Narekober ang hinihinalang iligal na droga sa isang 11-anyos na lalaki sa Abada Escay, Barangay Vista Alegre, Bacolod City.
Sa panayam ng Bombo Radyo Bacolod kay Barangay Kagawad Elizde Bernardino, sinabi nitong nilapitan nila ang bata kung saan itinapon nito ang mga sachet ng hinihinalang shabu ngunit pinulot nila ito.
Ayon kay Bernardino, tinanong nila ang menor de edad kung saan niya nakuha pero sa basurahan ang tanging sagot nito.
Gayunpaman, hindi nakumpirma kung nakita ito ng bata sa basurahan.
Aniya, ang lugar kung saan narekober ang mga sachet ng hinihinalang shabu mula sa menor de edad ay napapansing madalas na pinagtutuunan ng iligal na droga.
Narekober ang 11 sachet ng hinihinalang shabu na tumitimbang ng mahigit 5 gramo.
Hindi na tinanong pa ang bata dahil baka ma-trauma.
Isinagawa ang turn-over ng mga sachet ng hinihinalang shabu sa pulisya ng Bacolod Police Station 7 sa Barangay Hall ng Barangay Vista Alegre, Bacolod City kaninang hapon.
Pinayuhan ng Barangay Kagawad ang mga residente ng Barangay Vista Alegre na maging mapagmatyag dahil maaaring masira ng ilegal na droga ang buhay ng mga bata.
