LEGAZPI CITY- Ginatos tulos na persona an naarestar kan Albay PNP sa mga ikinundusir na anti-illegal gambling operations sa bilog na probinsya puon kan Pebrero 3 hasta 21.
Sinabi ni PCI Arthur Gomez, tagapagtaram kan Albay PNP, sa saindang 29 operasyon durante kan nasambitan na peryodo, 106 na katawo an saindang nabitbit sa istasyon kan pulisya.
Nakumpiskar man suboot an labi sa P14,000 na gagamiton na ebidensya kontra sa mga nadakop na parawigo.
P10,000 an pyansa kan mga nakulong na gamblers alagad an mga dae makapagbayad, magtitinir na nasa preso.
Klinaro man ni Gomez na nagkakaigwa nin pagkakaiba-iba sa kantidad kan pyansa huli sa rason na an huwes an nagde-desisyon kun gurano an recommended bail.
Nagpatanid man ini sa mga may plano pang magbalik sa iligal na sugal na posibleng dae na sinda tugutan pang makapag-pyansa kun pauru-utro nang nadadakop sa mga anti-illegal gambling operations kan kapulisan.
