LEGAZPI CITY—Piglalaomang maabot sa 100,000 na mga estudyante puon sa Kinder sagkod Grade 12 an mabalik eskwela ngunyan na school year 2025-2026 sa provincia kan Sorsogon.
Segun ki Schools Division Office Sorsogon Head Jose Doncillo, sa intrevista kan Bombo Radyo Legazpi, an nasabing numero bako pa pinal huli ta may mga naghahabol pang magpa-enroll sa mga eskwelahan sa nasabing provincia.
Sa presente dae pa ninda suboot masabi kun aabuton nin labi sa 160,000 an mga estudyante na kun saen ini an nairehistro kan nakaaging school year.
Mientrastanto, pangapudan man ni Doncillo sa mga magurang kan mga aki na malaog sa mga eskwelahan sa Lunes, Hunyo 16, na dapat padagos nindang suportaran an saindang mga aki.
Siring man an pag-asigurar kan kaligtasan kan saindang mga aki tuyong pasiring sa eskwelahan magin sa saindang pagpauli.
