LEGAZPI CITY-Nagpaabot nin pasasalamat an Bicol University College of Social Science and Philosophy Dean makalihis an 100% passing rate kan mga estudyante sa September 2025 Social Work Licensure Examination (SWLE).
Segun kay Bicol University College of Social Sciences and Philosophy Dean Atty. Alex Nepomuceno, sa intrevista kan Bombo Radyo Legazpi, na dakula an saindang pasasalamat asin kaogmahan kairiba an gabos na mga faculty members, department chair, asin an bilog na institusyon huli sa nakalihis na magayon na resulta kan Professional Licensure Exam sa pagigin Social Workers.
Dagdag pa niya na nagin sekreto an pagkakaigwa nin inclusivity kun sain sinabi niyang “nobody is left behind”.
Maski suboot kadakol an kadifisilan sa eksaminasyon, an bilog an saindang kumpiyansa na magkakaigwa nin marhay na na resutla an saindang mga estudyante sa PRC.
Sinabi pa ni Atty. Nepomuceno, na saro ining “collegial effort” kun sain kairiba an bilig na kumunidad, mga sektor, magurang asin an mga estudyante sa pagigin komitido na magin mga social workers.
Igwa man suboot nin pressure sa sainda an nagin resulta kan exam huli sa first top performing school an unibersidad asin nagpo-produsir nin mga gradwar na maserbi sa humanity, an suboot “unparallel” o warang makakapantay an nagin resulta na ngonian ipigseselebrar kan gabos na mga nagin parte kaini.
Dakulang ayuda man suboot asin tabang sa gobierno an mga bagong social work alagad sinabi niyang bako “lucrative” an trabahong ini, kundi an siertong matabang sa bilog na kumunidad sa ngaran kan serbisyo-publiko.
Mientrastanto, magkakaigwa man suboot nin sarong victory party asin testimonial dinner na magigin libre para sa mga bagong social workers
