LEGAZPI CITY — Iniladawan kan pamayo kan Legazpi City Agriculture’s Office an saindang mga planong pagpapabaskog sa sektor kan agrikultura ngunyan na taong 2017 bilang madugo.
Katakod ini kan saindang mga inilatag na darakulang programa kabale na an planong sanggatos na ektarya nin Cacao Plantation.
Segun ki City Agriculturist Jess Callos, solamenteng coconut plantation an igwa sa syudad kun kaya target nindang magbale na sa bandwagon market kun sain saindang ipinagkokonsidirar an cacao bilang saro sa mga magigin mabaskog asin patok na produkto sa merkado.
Sa laog sana nin sarong taon ngunyan na 2017, naglalaom an nasambitan na opisina na mangyayari an nasambitan na plantation kun sain mangungumbinsir sinda nin mga cacao growers na makisumaro sa saindang programa.
Dugang pa ni Callos, sa laog nin saro hasta sa duwang taon, pwedesir nang magin produktibo an mga itatanom na cacao.
Aminado an opisyal na bako ini magigin pasil alagad halangkaw an saindang determinasyon sa proyektong ini na may obheto man na matabangan an mga paraoma apwera sa pag-kontribuir sa ekonomiya kan syudad.
