LEGAZPI CITY -Magpapaotob nin 100% na implementasyon kan face-to-face classes an gabos kan pampublikong eskwelahan sa provincia kan Catanduanes sa Agosto 22.
Sa intrevista kan Bombo Radyo Legazpi ki Catanduanes School Division Superintendent Susan Collano, excited na bako sana an mga estudyante kundi magin an mga paratukdo sa pagbubukas kan klase.
Sa presente, nangengenot an provincia sa may pinakahalangkaw na turnout kan enrollment sa Bicol ngonyan na school year 2022-2023.
Nasa 80% o 67,000 an nairehistrong enrollees sa provincia.
Alagad igwa pa nin hahabulon na enrollment na maabot sa 13,000.
Huli digdi, inenganyar ni Sullano an mga magurang na ipa-enroll na an saindang mga aki asin dae na paghalaton an ralaogan.
Sa Agosto 15 hasta 16 kaya mapuon na an assessment sa mga eskwela ngani na dagos-dagos na an pagpupuon kan klase.
