LEGAZPI CITY — Pighahali na an porsyento o interes sa in-avail na Albay Higher Education Scheme (AHECS) kan maabot sa 17,300 student-grantees ngani na makabayad na an mga ini.
Segun ki Provincial Education Department chief kan Albay na si Dr. Cham Zuñiga, an nasabing lakdang an ngani na maging magian para sa mga magurang urog na sa mga dae pa ki trabahong grantee an pagbayad sa kinuang kwarta.
Basado kaya sa agreement, may kaakibat na 10% an loan-grant alagad nagkaigwa nin moratorium na natapos kan Setyembre kan nakalihis na taon.
Igwa man suboot na peryodo ngani maibalik an kwarta alagad huli sa mga sirkumstansya, dae ini naibabalik sa tamang panahon.
Segun ki Zuñiga, sa ngonian pighihinguwa ninda na maibalik tulos an kwarta ngani na magamit man sa ibang programa kan gobierno asin maitao para sa karahayan kan Albayano.
Dugang kaini, poon kan naging mapusog na an espuersos sa pagkolekta, nag-abot naman sa P2 milyon an nakukua kada bulan alagad nagluya ini sa ngonian.
