Pigkumpirma kan Department of Agriculture an 10-15 percent na paglangkaw sa presyo kan mga gulay sa Merkado.
Segun kay Agriculture Assistant Secretary Arnel De Mesa , ini an huli sa pagbaba kan supply kaini sa mga lugar na labing naapektaran kan mga nakalihis na bagyo partikular na an bagyong Kristine.
Kabale sa mga production areas na naapektaran kan nasabing raot kan panahon iyo an rehiyon kan Cordillera,Region II,CALABARZON, asin Central Luzon.
Huli digdi, nagbaba nin maabot sa 28,000 metric tons an supply kan gulay sa nasyon.
Piglinaw man kan opisyal na igwang mga lugar pa man sa Pilipinas na pwedesir na maging alternative source kan gulay .
Ini an Visayas , Mindanao asin nagkapirang parte kan Luzon na dae pigrapado kan bagyong Kristine.
Pigsierto ni De Mesa na maibabalik man sa normal na presyo an mga gulay sa laog nin saro hasta duwang semana kun enkaso nakarekober na an supplies kaini hale sa mga naapektarang lugar.
