LEGAZPI CITY-Ikinagadan kan saro katawo mantang irido an dose-dosenang katawo sa nangyaring banggaan sa pagultanan kan duwang tren sa Northern London.
Nai-report man na sarong pasahero an tumilapon huli sa insidente asin nabari an tulang kaini.
Segun sa pahayag kan pulisya, na ikinamundo ninda na kadakol an irido sa aksidente asin saro katawo an nagadan.
Padagos man an pagtugon kan mga opisyal sa pinangyarihan kaini kaiba an Bedfordshire Police asin Local Fire and Rescue and Ambulance Services.
Sa kabilugang datos kan East of England Ambulance Service nasa 11 katawo an nagasapo nin malalang danyos, 22 an nalugadan, asin 56 an nagsapo nin minor injuries.
