LEGAZPI CITY- Saro an nairehistrong casualty sa nangyaring kasulo sa Barangay 17, Rizal St. Legazpi City kasubangong maagahon.
Segun ki Legazpi City Fire Station Chief of Operations Senior Fire Office 4 Garry Santander sa intrevista kan Bombo Radyo Legazpi na na-trap an nasabing biktima sa laog kan establishimento na kataning kan laundy shop asin dae na naisalbar pa.
Napag-araman man na afuera sa laundry shop, igwa man na duwa pang establishimento an nadamay sa insidente.
Padagos man na pig-aaram kan mga otoridad an pagkakabisto kan biktima.
Mientras tanto, sinabi ni Santander na nagpapadagos man an ipigkokundusir na imbestigasyon kun ano an pinagpuunan kan kasulo.
