LEGAZPI CITY-Nagadan ang sarong trabahador sa US farm asin maabot sa 200 katawo na an inarestar makalihis an pigsasagibong raid kan U.S. immigration agents sa sarong cannabis nursery sa Southern California, sen iyan sa sarong worker advocacy group.
Pigbisto an biktima na si Jaime Alanis, na nahulog hale sa 30 talampakan na edipisyo mantang pigsasagibo an nasambitang operasyon.
Segun sa Department of Homeland Security (DHS), 200 katawo an inarestar huli sa iligal na pagtetenir sa Estados Unidos.
Kasabay kaini an pagkakaarestar sa 10 menor de edad na nahiling sa lugar.
Pigiimbestigaran na man an nasambitang kumpanya huli sa suboot pagbayolar sa child labor laws kan Amerika.
Nagpoon an insidente kan Huwebes kung sain mahihiling sa mga ladawan asin videos na nagagamit nintear gas asin somke canisters an federal agents sulog an saindang helmet asin face mask laban sa mga nagpo-protestang grupo.
Mientrastanto, pigtugon na man kan sarong U.S. judge an pansamantalang pagbabawal kan racial profiling sa mga operasyon kan deportation asin pagulang sa access kan mga immigrants na makakuwa nin abugado bilang tugon sa agresibong kampanya kan administrasyong Trump laban sa mga undocumented immigrants.