LEGAZPI CITY—Binawian nin buhay an sarong indibidwal mantang apat an nairido sa nangyaring banggaan nin duwang motorsiklo sa banwaan kan Bulan, Sorsogon.
Segun ki Sorsogon Police Provincial Office Public Information Officer Police Major Arwin Destacamento sa intrevista kan Bombo Radyo Legazpi, tulos na nagresponde an kapulisan kan Bulan asin rescue team kan lokal na gobierno kan nasabing lugar nganing magtaong asistensya asin madara tulos sa hospital an mga biktima.
Idineklarang dead on arrival an saro sa mga biktima, asin an apat na iba pa an presenteg nagpaparahay sa ospital kun saen nagsapo suboot an mga ini nin lugad sa manlaen-laeng parte kan saindang hawak.
Padagos man na pigpagiromdoman kan opisyal an mga motorista na mag-doble ingat sa pagmaneho nganing maibitaran an siring na mga insidente sa tinampo.
