Uminabot sa poco mas o menos 1.9 milyong deboto an nag-atendir sa solemne asin tradisyonal na prusisyon kan Santo Niño de Cebu kan Sabado, antes an mismong pista kan Sto. Niño, segun sa Cebu City Disaster Risk Reduction and Management Office.
Kinumpirmar man ni Councilor Dave Tumulak, na nagsabi na kabale an mga tawo sa 5.5-kilometrong ruta kan prusisyon, kaiba an mga sidewalk asin laog kan basilica.
Kan nakaaging taon, uminabot sa 1.4 milyon sana an nag-atender sa nasabing festival.
An prusisyon nagpoon pasado ala-una nin hapon, asin an carroza nakabalik sa Basilica Minore del Santo Niño antes mag alas-5:00 nin hapon.
Dakul na mga deboto an nakisumaro sa ruta sa ibong kan init, asin padiit-diit na nagin mapanganuron an panahon sa huring parte kan prusisyon.
Basado sa report kan Cebu City Police Office, nagin maray asin matuninong an nagin prusisyon.
Mantenidong halangkaw an security alert sa lugar, urog na ngonian na Sinulog Festival asin grand parade.
