Uminabot na sa ₱2,000,000.00 an pabuya na ipig-alok para sa impormasyon na maturo sa pagkadakop kan mga riding-in-tandem na suspek na nagbadil asin naggadan sa media man na si Erwin ‘Boy’ Segovia, alyas Boy Pana sa Brgy Mangagoy, Bislig City, probinsya nin Surigao del Sur.
Ini makalihis na an dating Cantilan, Surigao del Sur Mayor Carla Lopez-Pichay enot na nag-alok nin ₱1,000,000.00, sinundan kan kaparehong kantidad gikan sa magtugang na Surigao del Sur 2nd District Rep. Alexander ‘Ayec’ Pimentel asin Gobernador Johnny Pimentel.
Mientrastanto, nakipagkoordinar na si former Mayor Carla Pichay sa mga local asin national law enforcement agencies ngani na hanapon asin panimbagon an mga nagkomiter kan paggadan laban sa komentarista sa radyo, na saiyang mahigot na kinondenar.
Sinabi niya na dai siya mapundo sagkod na an mga responsable dai pa maninimbag sa saindang mga ginibo.
